الببغاء برضو عندو مواقف يا جماعة ..

الببغاء طائر ظريف عندو مواقف كثيرة نذكرة منها موقفين الباقي عليكم طبعاً

واحد عندو محل طيور وفي ببغاء
مداقر ليهو عسكري جنبهم كل ما
يجي جنبو الببغاء يكورك فيهو:
عسكري حيوان __ عسكري حيوان
العسكري زهج من الحكايه دي
وخاف من الفضيحه مشي كلم سيد
المحل عشان يشوف ليهو حل
سيد المحل بعد تعب اقنع الببغا عشان
يسكت
تاني يوم العسكري جا ماشي الببغا
قعد يعاين فيهو قوي العسكري
سألو: مالك في شنو ؟
الببغاء قاله:
يعني ماااااا عااارف
ــــــــــــــــــــــــــــــــــــــــــــــــــــــــــ
واحد شاف ليهو بت في حفله وكانت
جميله ولكن اكثر ما أعجبه شعرها
الطويل فلم يتواني صاحبنا فتقدم
لخطبتها وفعلا تم الزواج وكان هذا
الرجل يملك ببغاء في منزله
وفي احد الأيام واثنا مرور الزوجه
باحدي الأشجار داخل المنزل علق
شعرها باحد الافرع فظهرت تحته
صلعه ناصعه البياض فقد كان الشعر
الطويل ليس سوي باروكه ولحسن
الحظ لم يكن الزوج موجودا في البيت
ولكن الببغاء كان يراقب هذا الفيلم
فاصبح كلما راها يصيح ابو صلعه..
أبو صلعه.. أبو صلعه
فخافت الزوجه ان ينفضح امرها فامرت
الزوج بان يتخلص من الببغاء ورغم
محاوله الزوج لمعرفه السبب لم تخبره
الزوجه فاتفقوا علي تبديل الببغاء باخر
وفي الصباح حمل الرجل الببغاء وجال
كل السوق فلم يجد بديلا فاشتري
علبة الوان وغير لون الببغاء ورجع
لزوجته واخبرها بان هذا ببغاء جديد
فاذا رفعتي رجله اليمين سيغني
بالعربي واذا رفعتي رجله الشمال
سيغني بالانجليزي
فارادت الزوجه ان تتفلسف فسألته
واذا رفعت رجليه الاثنين ؟
نظر الببغاء نظره قويه وقالها: حأقع يا أبو صلعه