يــمــه ......
لما تتكاثر همومي وابقى في حال ماهو زيـن
والحزن يشرب دمـوعي والـوجـع جـواي مـكيـن
والزمان يشتد عبوسو ..... والأسى جواي دفـيـن
تشرقي يا أمي انتي ...... والصباح جواي .. يبين
وانسى آلامي وعذابي ........ وكل أوجاع السنين
وولدك الغريد يغني ........... أحرف الريد والحنين
لـما أهجد في ليالي الغربة .... واتـذكر صـباحــي
ريحة القهوه ودعاشه ........ وانا بين نايم وصاحي
تجيني يا يمه وتقولي جبت ليك... الشاي ياصباحي
وصحي اخوانك معاك قومو.......... هيا على الفلاح
تنسكب عبراتي لوعة وليلي يـسمع فـي نــواحـي
تاني وين يا يمه القى ............ الحنان الكلو صافي
وتاني وين ....... القى الصباح ........... الزيو مافي
وتاني كيف القى السعادة.. بين دموعي واعتكافي
تاني كيف .. يا يمه اسعد ...... وانتي مــــافـــــــي
وتاني كيف يا يمه أفرح .......... وانتي .... مــافــي
وتاني كيف يفارقني حزني .......... وانتي .. مافي
ووين يا يمه تاني ........ ذلك الزمـن ... الـخـرافــي
السواد يا يمه لافيني غـطى إشراقي وصـباحي
وفي الظلام والناس نيام يمه ولدك ديـمه صاحي
ويمه بعدك كسرت قلمي ..... ورمــيـت سـلاحي
وجوه في أعماقي يمه.. شلت أحزاني وجراحي
والصبرألقاهو وين .... إلا عند ربـي ...... وإلاهـــي
ربي صبرني واغفر .. وخلي ديمه صباحنا باهي
وفي الجنان ألقاها يمه تقول لي مرحب يا صباحي
العذاب يا يمه ...طاويني..... لخبط لـــي حياتي
وتاني بعدك مافي غير..... ابتهالاتي وصلاتي
تسعدي يمه وتجيكي ....... ابتهالاتي وصلاتي
في الجنان يا يمه انتي وبيـكي يـمه دوام بهاتي
وبيكي ..... يــمـه .... دوام ...... بــــهــاتـــــي
وبـيكـي ... يـمـه ..... دوام ....... بـــهــاتــــــي
