حاج عثمان والثعبان

عمنا عثمان يا جماعه حاج كبير كان
شغال مزارع كل يوم يطق حواشتو
واخر السنه البقسمه ليهو الرزاق بيرضي
بيها ومكفياهو هو وولدو علي وحاجه
كلتوم مرتو المهم صاحبنا عثمان ده
يوم من الايام كان شغال في حواشتو
فجاه كده حس بشي ناعم جنب كراعو
لما التفت لقاه دابي خرطوش بس
دابي قريب متر ونص طوالي عمنا
عثمان اداه بالطوريه ضربتين قسمو
بيها تلاته قطع وخماهو وداهو لي
حاجه كلتوم عشان يوريها ليهو
يا زول حاجه كلتوم من شافت الدابي
هاك يا كوراك ووووب علي الليله
وووب وكر علي الليله كر_____
المهم عمنا عثمان براحه هداها وسكته
لكن كلام حاجه كلتوم كان مفاجاه
لعمنا عثمان لانها قالت ليهو انو الدابي
ما بخلي تارو نهاي دحين استعد
وعمنا عثمان من اليوم داك بقي
عايش في خوفه يا زول بعد اسبوعين
كده عمنا عثمان صحي من النوم
وطوالي لبس جلابيتو وهو طالع
حس بشي تقيل في ضهر الجلابيه
طوالي مسكو بيدو علي ضهرو وكورك
لولدو علي وحاجه كلتوم وقال لولدو
يا ولدي دايرك تعفي مني قروشك
العندي امانه انا اكلتهن واتزوجت
منهن ودحين يا حاجه كلتوم اعفي
مني انا الحله الفوق ديك ماخد لي منها
مره قبل تلاته شهور واها ودعتكن
الله وقام فك يدو_لكن الغريبه مع
فكت يدو وقع ضب كبير خلاص من
الجلابيه وعمنا عثمان بقي حيران
ومشتاق ليهو عديل لي ثعبان

كدي يا جماعه اي واحد يتخيل نفسو
في مكان عمنا عثمان ده حيعمل شنو
انا غايتو بعمل فيها اني جنيت
وبواصل علي كده لمت ربنا يفرجه