البكى في ضل الفرح غيمة
تمتده فيك فيني
وكان بقى بعد المسافة جرح
ثاني برجع وترك يبكى ويعاود انينو
وما بين انتى وحرفك علاقة من زمنا قبيل
كان فيهو شوقك سيرة القوافي نغم القصيد
لكنو غيابك جرح الماضي اللسه بتاور جرحو
دمعة فراق
يا بنيه فيها منى كل أحلام أمسى العدى
ووهج أملا شلتو منك فيني
لا العمر ألفات بقدر ارجعو
ولا القادم قادر اوصلو
حيران ما بين
حرف بقلب مشتااااااق وقيت يطرى احبابو
يبوح امكن النسيان يعاود جرح الذكرى
وحروف الشوق
وتبقى فينى غصون حنينك منية بحارا على الشط
الخته امالو شال فرحو هدد بيهو خوف حلمو
يعاين فى البعيد ممتد
لا قادر يوصل اخرو ولا فى عينيهو سكت الدمع ارتد
ويا بنيه
اتلاقينا فى ظل كلمه
شالت منى وادتك وشالت منك وادتنى
صوت الذكرى وفرح باكر
لكن
كان فى عينيك كبر سؤال الفرقه
اتذكرى انو الفات فيهو منى
وانى حبيبك اللا فتر يتذكرك
بالشوق على دربك حنين
وصيتي ليك يا بنيه
سافري بعيد فيك
بس ما تنسى تشيلى معاك
ذكرى
كان فى يوم عاود حنينك
تلقينى فيك
